Tumhari yaad aur tum

 

Gumnaam se shehr me kai naam wale hai

jo yaad karte hai tumko aur tumhari mukurahat ko,

is badnaam si mehfil me kai naam waale hai

jo poochte hai tumko aur tumhari aawaz ko,

is ajnabi anchahe safar me kai anjaane hai

jo khojte hai tumko aur tumhari aahat ko,

Kai hai jo tumko yaad karte hai

tumhe pukarte hai

tumhe poojte hai

sochte hai ki tum kaha ho

kyu gai yu sab kuch soona soona karke

kyu gai yu sabko tanha karke

yu sabke chehre se ek hasi chura kar

kyu gai sabki aankho me ek name sajakar

 

Ye gumnaam badnaam galiya aaj bhi tumhari raah takti hai

poochti hai tumhare kadmo ke ehsaas ko

tumhari us meethi si aas ko

tumhare bachpan ki vo meethi si hasi ko

tumhare kal ki us dabi dabi si kashmkash ko

 

ye poochti hai tumhar pata

ki tum kaha ho

ki tum kab aaoge

Ye poochti hai tumhare naye shehr ka naam, tumhari nayi galiyo ki kahani

tumhare naye dosto ki zindgani

ye poochti hai tumhe, tumhare kal ko aur tumhare aaj ko….

 

tabhi to bekaraaar

Gumnaam se shehr me kai naam wale hai

jo yaad karte hai tumko aur tumhari mukurahat ko…..

 



DEEPANSHU SAINI